Emergency Operations Center ginaduso ang paghatag pribilihiyo para sa mga fully vaccinated persons sa Bacolod.
Limitado gihapon ang kadamuon sang pwede maka-dine in sa mga restaurant kag iban pa nga kalan-an sa Bacolod bangud sang ginapatuman nga general community quarantine with heightened restrictions.
May pila man ka mga kalan-an ang wala man nagapahanugot sang dine-in bangud sang limitado nga venue capacity.
Apang agud man amat amat nga maka bangon ang ekonomiya ginaduso ni Dr. Chris Sorongon, deputy for medical data and analysis sang Bacolod Ememrgency Operation Center, nga matagaan sang pribilihiyo ang mga fully vaccinated nga maka-dine in.
Kasubong ini sang ginapatuman karon sa Cebu City nga nagahatag man sang dugang nga mobility para sa mga fully vaccinated individual.
Nagapati si Sorongon nga sa sini nga pamaagi mas mapadasig man ang ginapatuman nga vaccination program sang Bacolod.