![](https://i0.wp.com/digicastnegros.com/wp-content/uploads/2024/03/image-117.png?resize=810%2C456&ssl=1)
12 ka mga banwa kag siudad sa probinsya ang nag-suspend sang klase bangud sang kainiton sang panahon.
Sa report sang Provincial Disaster Management Program Division nalakip sa mga nagdeklarar sang suspension of classes para sini nga adlaw amo ang Kabankalan City, Murcia, EB Magalona, Himamaylan City, Silay City, Talisay City, Hinoba-an, La Castellana, Hinigaran, Isabela, Pulupandan kag Sipalay City.
Sa March 12 naman base sa nabaton nila nga announcement as of 1pm, may suspension of classes sa gihapon sa Murcia nga tubtob lamang sa secondary level, EB Magalona, Silay City, Hinoba-an, La Castellana kag Pulupandan naman sa tanan nga level.
Paathag ni Ian Arnold Arnaez ang spokespersons ang DepEd Negros Occidental Division, bisan pa nga may suspension sang face to face classes indi ma apektuhan ang required number of school days sang kabataan bangud maga gamit ang eskwelahan sang mode of learning santo sa ila nga sitwasyon ayhan modular, online ukon hybrid.
Yara naman sa school head ang discretion para mapangapinan ang ikaayong lawas sang mga kabataan labi na sa karon nga mataas ang heat index nga nagalab-ot sa 41 degrees celsius.
“Maapektuhan ang number of school days? no. Because, basta kada suspend sang face to face, naga shift sila dayon into alternative delivery mode and that is counted. Indi na siya siling nga wala bili, kondi counted gid na siya as school days gihapon, kaso ang delivery mode is different lang. Indi siya atubangay kondi through modules”, suno kay Arnaez.
May mga pag trangkaso kasaubong man sunggo nga na-monitor sa mga estudyante suno kay Arnaez.
“Gina monitor ta ang health, ang impact sang kainiton. Pero ang mga naga sulod nga data indi siya amo na ka alarming, kadamo-damo”, suno kay Aranaez.