Sa banwa sang La Castellana, masobra sa isa ka libo ka pumuluyo ukon 369 ka pamilya ang nakapauli na gikan sa evacuation centers.
Suno kay John de Asis, ang pamuno sang Disaster Risk Reduction Management Office sang La Castellana, kaina nakapauli ang 190 ka pamilya ukon 689 ka persona sa Brgy Cabagnaan kag kahapon 179 ka pamilya ukon 561 ka individuals sa Brgy Sag-ang ang nakapauli.
May gina paabot pa nga mga evacuees nga mahatagan sang clearance agudto sila ang maka pauli naman sa ila nga puluy-an. Kun matigayon ini nagakasayuran nga mga menos isa ka libo na lng ang mabilin sa mga evacuation center. Sa karon tatlo na lamang ang evacuation center sa banwa.
Suno kay de Asis, ang pagpapauli sa mga evacuees ang naga depende sa sitwasyon sang Kanlaoan.
May mga masobra sa 30 ka pamilya gikan sa Brgy Biak na Bato, Masulog kag Cabagnaan ang yara sa 4km permanent danger zone kag ini sila ang nagapabilin sa evacuation center.