1,700 home lots, dugang nga housing village ginahanda sang siudad sang Bacolod sa bag-o nga relocation site sa Barangay Vista Alegre. Natalana nga magpatigayon sang site development ang Bacolod LGU sa nabakal nga 17-hectare lot property sa Barangay Vista Alegre.
Ang duta ang malapit lang sa relocation site.
Ginsiling ni Councilor Vladimir Gonzalez, pamuno sang Committee on Urban Poor, Housing and Resettlement sang konseho, may 1,700 ka home lots ang sarang matukod sa bag-o nga relocation site para sa mga informal settler families.
Plano man sang siudad nga mag-construct sang dugang nga Yuhum housing village.
Kaina, ginsuguran man ang consolidation meeting para sa mga beneficiaries sang housing village para sa natalana nga pag-turn over sang housing units sa Barangay Vista Alegre.