Sa kilid sang Bacolod City Government Center libre nga naga-charge ang pila ka mga electric jeepney nga nagabyahe sa Barangay Estefania kag Central Market.
Pero ginsiling ni City Administrator Lucille Gelvolea nga may plano na ang siudad nga magtukod sang charging station sa dalan Burgos agud nga maghatag sang dugang nga income sa siudad sa tion nga maaprobahan na ang mga duha ka mga rota nga gintalana sa mga electric jeepney ukon mga green route.
May yara man sang kaugalingon nga charging station ang Ayala Malls Capitol Central pero ini ang gintalana lamang sa mga e-jeepney nga naga-rota pakadto sa mall.
Ang grupo nga Asenso Transport Coalition kabahin sang grupo sang mga traditional jeepney nga nagpa-consolidate na para makigbahin sa public utility vehicle modernization program.
Ang mga e-jeepney ang luyag nila nga gamiton sa pagbyahe sa baylo sang mga modernized bus agud nga mas maka-income sa matag-adlaw nga byahe.