Shadow

Dugang nga 7,000 ka mga bakuna nag abot sa Negros Oriental

Gin baton kahapon sang Dumaguete City ang 7,020 ka Covid-19 vaccines gikan sa national IATF.

Ini ang kabahin sa linibo pa ka mga manug abot nga bakuna sa siudad suno kay Mayor Felipe Remollo.

Amat amat naman karon nga gina sugdan bakuna sang City Health Office sang siudad ang mga yara sa A5 category ukon indigent population samtang naga padayon man ang pag bakuna sa A1 tubtob A4.

Pero suno sa CHO, ila lang ibutang ang mga A5 residents sa idalom sang quick substitution list kag sila ang paga tawgan lang kun indi mag abot ang mga una na nga nag palista.

Ini ang suno sa CHO gin mando man sang alkalde agud mapadasig ang vaccination rollout sa siudad.

19,402 na tanan sa siudad ang nakabaton sang first dose kag 16,528 naman sa second dose. Ang bug-os nga Negros Oriental ang yara naman karon sa masobra 11% sa target population nga bakunahan.

Samtang, kahapon may 61 new cases kag 68 new recoveries ang probinsya. 385 ang karon ang active cases sa Negros Oriental.

Ang Negros Occidental naman nga may 35 new cases kag 116 new recoveries kahapon ang karon may 609 active cases na lang.

790 naman ang active cases sa Bacolod city nga may 48 new cases kag 5 new recoveries kahapon.

Leave a Reply

Your email address will not be published. Required fields are marked *

Secured By miniOrangeSecured By miniOrange