Natapos na ang construction sang Building 2 sang Yuhum Housing Village sa Barangay Vista Alegre.
Gani ginapaabot ni Mayor Albee Benitez nga sa sini nga Marso matigayon ang pag-award sang dugang nga mga housing units sa mga benepisyaryo.
May 64 ka mga housing beneficiaries ang nag amat-amat na saylo sa Yuhum Village sang nagligad nga Enero.
Dugang nga 64 pa ka mga housing beneficiaries ang gina-proseso sang Bacolod Housing Authority upod sa Pag-ibig agud mapatuman ang ikaduha nga awarding ceremony sa Marso 31.
Ginpahayag ni Bacolod Housing Authority head Ma. Victorias Parrenas nga duha pa ka mga Yuhum buildings ang ginahingaw nga mahuman agud madasun nga ma-turn over sa Hunyo kag Mayo.
Ang housing project ang kabahin sang 4PH housing program sang Marcos Administration paagi sa Department of Human Settlement and Urban Development.