Price freeze sa basic commodities ang ginapatuman karon sa mga banwa kag siudad sa Negros Occidental nga nag deklara sang State of Calamity tuga sang El Nino Phenomenon.
Suno sa Department of Trade and Industry nalakip sa mga LGU nga may yara sang gina patuman nga price freeze amo ang San Enrique, Kabankalan City kag Valladolid.
Suno kay Engr Lynna Joy Cardinal ang pamuno sang DTI sa Negros Occidental, 60 ka adlaw gina patuman ang price freeze humalin sang ginpatuman ang deklarasyon sang state of calamity. Nagakasayuran nga may price freeze sa San Enrique humalin April 8 to June 7, sa Kabankalan City April 18 to June 17 kag May 1 to June 30 naman sa Valladolid. Adlaw-adlaw ang monitoring nga gina patuman sa pag pasiguro nga ini ang gina patuman. Wala pa nalakip ang San Carlos City nga damlag pa nag paidalom man sa State of Calamity, bangud wala pa man makabaton ang DTI sang kopya sang deklarasyon.
“Mga pila lang ka items. Mga ordinary nga gina bakal sang ordinary consumer – sardinas, noodles. (In general ang basic commodities ta di sa Negros naga giho?) Wala kay usually ang aton mga known brands may mga suggested retail prices na sila. Bisan sa ordinary situation gina regulate man sila sang competition nila”, suno kay Cardinal.