Kun may extra man lamang sa budget, abiso sang Department of Trade and Industry mas maayo nga temprano magbakal sang para sa pang noche Buena.
Suno kay DTI Provincial Director Rachel Nufable tungod man sang sitwasyon sa ekonomiya may pagsaka sa presyo sang pila ka mga items nga pag noche Buena kun ipaanggid sa nagligad nga tuig.
Pero indi man nila sa karon ma pat-od nga kun pag abot sang bulan sang Disyembre maga saka pa gid ini. Gani kun may extra sa budget mas maayo nga magbakal sang mas temprano.
Kun may promo mas maayo nga mag-avail man sini. Wala nalakip ang noche Buena items kasubong sang ham, mga ingredients para sa pasta ukon salad sa gina patuman nga price freeze sa karon bunga man sang pag paidalom sang rehiyon sa state of calamity.
Sa pihak nga bahin suno kay Nufable padayon ang monitoring para diri.
Kun may mga concerns ukon reklamo angut sa presyo sang basic necessities sarang mapadangat ini sa atensyon sang DTI ayhan sa ila nga talatapan ukon sa ila nga mga contact number kag social media accounts.