Ang Department of Social Welfare and Development – Negros Island Region nagapadayon sa ila nga relief efforts sa mga nahalitan sang bagyo nga Crising sang nagligad nga semana.
Padayon ang pagpanagtag sang family food packs kag sa Binalbagan, masobra sa 1,000 ka mga food packs ang ginpanagtag sa anum ka mga barangay nga natam-an sa pagbaha.
Ini amo ang San Teodoro, Enclaro, Sto. Rosario, San Jose, Canmoros kag Marina.
Sa San Enrique naman masobra sa 1,500 ka mga family food packs ang ginpanagtag sa tatlo tanan ka mga barangay nga amo ang malubha nga na apektohan sang pagbaha.
Ini nga mga barangay amo ang Tibsoc, Tabao Rizal kag Guintorilan.
Antes sini may mga LGU na nga nadul-ungan sang relief packs ang DSWD.
