96.06 percent sa target sini nga mga tricycle driver ang tigayon nga nahatagan sang Department of Social Welfare and Development sang cash relief assistance sang Miyerkules nga adlaw, Abril 8.
DSWD NIR photo
Suno sa DSWD NIR naka serbe sila sang 27,549 ka beneficiaries sa 28,584 nga daily target as of April 8, 2026.
Nalapawan sini ang national average nga 90.31 percent. Na highlight sini ang operational efficiency sang rehiyon bahin sa pag hatag sang timely, responsive kag inclusive assistance sa mga komunidad nga naga kinahanglan.
Tagsa ka tricycle drayber ang nagbaton sang tig P5,000 nga cash. Tuyo sini nga mabuligan sila sa tunga sang pag timbuok sang presyo sang langis tuga sang konplikto sa Middle East.
Suma total may P137,295,000 ang tigayon na release nga pondo.
34,974 ang total nga kadamuon sang mga tricycle drayber nga hatagan sa 19 tanan ka mga siudad sa Negros Island Region.
May 1,125 pa ka mga drayber nga halatagan sa masunod nga inadlaw.
Sa April 16 naman naka schedula ang pag baton sang ayuda sang mga tricycle drayber gikan sa mga kabanwahanan sa Negros Island Region.
[sibwp_form id=1]