Department of Social Welfare and Development ang tigayon nga naka release sang 597,000 pesos nga balor sang bulig sa apektado nga pumuluyo sa pag lupok sang bulkan Kanlaon.
Si DSWD Sec Rex Gatchalian ang nag bisita kaina sa Negros Occidental base sa mando ni Presidente Ferdinand Marcos, Jr., para makita ang sitwasyon sang mga apektado nga pamilya.
May 980 ka family food packs ang gin panagtag.
Iya ginsiling sa mga pumuluyo nga ang presidente ang naga pasalig sang bulig paagi sa talatapan sang DSWD.
Nag patigayon sang courtesy visit si Gatchalian sa mga apektado nga lugar.
Isa na diri ang La Castellana Elementary School sa Brgy. Robles, sa La Castellana, kun sa diin ang mga evacuees ang gikan sa upper kag lower Mananawin.
Iya gin abisuhan ang mga pumuluyo nga dapat magsunod sa abiso sang alkalde.
Iya gin pahangup nga delikado sa sini nga panahon nga mag balik sa ila nga puluy-an.
Nahangpan niya nga indi komportable ang sitwasyon sa lugar pero ginatinguhaan sang national kag local government nga mabuligan sila.
Damlag pa, gin deploy naman sang DSWD 6 ang ila nga Mobile Command Center sa Negros Occidental.
Ini ang equipped sang state of the art nga satellite internet, laptop, mobile printers, portable scanner, camera, dalagko nga mga power bank kag duha ka set sang 5KVA generator nga maka sarang magbulig sa mga na igo sang kalamidad nga mga lugar paagi sa pag hatag sang power supply kag internet connection.