Gina klaro sang Department of Social Welfare and Development Negros Island Region nga sa karon sila ang naka tutok sa Bacolod City bahin sa pag hatag sang bulig sa mga apektado sang bagyo Tino.
Suno kay DSWD NIR director Arwin Razo padayon ang releasing sang bulig sa mga nagub-an sang balay sa Bacolod sa idalom sang Emergency Cash Transfer program.
Ang pondo suno sa iya nga gina gamit sa karon ang gikan sa Quick Response Fund sang DSWD.
Iya ginsiling nga na una ang Bacolod bangud sang magnitude ukon kadamuon sang mga balay nga nagkalaguba.
Ginalauman nga mahatagan man sila sang pondo para man sa iban nga mga LGU nga kasubong man ka apektado sang mag laslas ang bagyo Tino.
Ginalauman suno sa iya nga sa pagsugod man sang tuig 2026 tigayon man maka release sang pondo sa mga apektado labi na sa 4th kag 5th District nga nag pakita sang daku nga kahalitan.
Kulang na sa tion para matigayon pa ini sa nabilin nga inadlaw sini nga Disyembre suno sa iya.
P230 million ang target nga ma distribute sang DSWD sini sa Disyembre para sa 39,364 ka mga pamilya nga nagkalagub-an sang balay bangud sang bagyo Tino.
“Hopefully we can also be provided for other equally affected local government units. Pero I am not so sure for the remaining days of 2025, I think that’s very impossible for us to distribute the emergency cash transfer. Kaya ang focus muna namin is Bacolod City and for the other local government units especially yung 4th and 5th districts which were affected, badly hit areas. Hopefully at the start of 2026. Wala na tayong material time to do it within the remaining days of 2025”, suno kay Razo.*