Ginsugdan na sang Department of Social Welfare and Development ang pag-release sang tig P2,000 nga financial nga bulig sa mga gina kabig ‘poor’ and ‘near poor’ beneficiaries sa idalom sang UPLIFT.
Ginsiling ni DSWD Director Arwin Razo nga kabahin sa mga pilot areas sang UPLIFT 2 ukon ang Unified Package for Livelihoods, Industry, Food and Transport sa Negros Occidental ang Sagay, Talisay kag Hinigaran. Pilot areas ang Dumaguete City kag Vallehermoso sa Negros Oriental.
Paathag ni Razo, basehan sang pag pili sang beneficiaries ang datus gikan sa Community Based Monitoring System sang Philippine Statistics Authority.
May 160,000 ka benepisyaryo sa bilog nga Negros Island Region. Mga 90,000 diri ang gikan sa Negros Occidental.
Sila ang maga baton sang tig P2,000 sa sulod sang anum ka bulan. Suma total P1.92 billion ang iga-release nga pondo.
Sa una lamang nga bulan nga mangin manual ang payout. Ang masunod nga payout ipaagi na sa e-wallet ukon sa existing nga Land Bank account nila.
May yara man sang UPLIFT 1. Ini sila mga existing beneficiaries nga nga daan sang DSWD kaangay sang yadtong sa idalom sang 4Ps kag Wala Gutom Program. Sila ang maka baton sang P2,000 pero one time lang.
[sibwp_form id=1]