Sa April 8 na maga-release sang pondo ang DSWD para sa fuel subsidy sang mga tricycle drivers sa Negros Island Region nga katapo sang TODA.
48,000 ka tricycle drivers ang nalakip sa listahan sang Department of Social Welfare and Development NIR nga maga baton sang tig P5,000 sa idalom sang Individuals to Crisis Situation ukon AICS.
Suma total, P240 million ang pondo nga iga-release.
Suno kay DSWD NIR director, Arwin Razo, ang mga maga baton ang gikan sa 22 ka mga LGU nga naga lakip sang 19 ka mga siudad sa Negros Occidental kag Oriental. Dala man sa 22 ang mga banwa sang EB Magalona, Pulupandan kag Murcia nga ginakabig kabahin sang Metro Bacolod.
Suno kay Razo gikan mismo sa 22 ka mga LGU ang listahan sandig man sa ila nahatagan sang franchise ukon permits gikan sa Business Permits and License Office.
Ang papel sang DSWD suno kay Razo ang mag distribute.
Ang driver’s license na lamang sang mga drivers nga katapo sang TODA ang kinahanglan para sa mga nalakip sa listahan.
Suno kay Razo luyag nila ipasiguro nga wala man sang duplication sa claims.
Kag para malikawan man nga ma apektuhan ang biyahe sang mga tricycle drivers, mahimo nga batch by batch ang claiming sang subsidy.
“48,000 we will be providing them P5,000 each so that’s about P240 million. So the schedule would be from April 10, gagawin na natin April 8. Simultaneous yung pag conduct natin nitong distribution in the 22 LGUs”, suno kay Razo.