Dry run para sa duha ka mga green routes sa Barangay Vista Alegre kag Barangay Cabug sa Bacolod ang suguran sa madasun nga semana.
Walo tanan ka mga electric jeepney ang iga-byahe para sa dry run sang duha ka mga ginatukod nga green lanes sa Bacolod.
Nalakip diri ang sa Barangay Vista Alegre kag Cabug kun diin mga e-jeepney lang ang magabyahe sa amo nga mga rota.
Ginsiling ni Mayor Albee Benitez nga ang mga e-jeepney amo ang sarang nga mangin kabaylo sang modern bus nga gina-require para sa jeepney modernization program.
Suno kay Land Transportation Franchising and Regulatory Board OIC Atty. Salvador Altura, madasun nila nga iga-endorse sa LTFRB Board ang proposal para sa green route sang siudad.
Sa karon may 24 ka mga existing nga ruta sa siudad.