Yara sa gihapon sa ospital sa Bacolod City ang drug suspect nga natiruhan sang pulis matapos gin-alegar nagbato sa ginpatigayon nga buy-bust operation sa Tugbungan Center, Barangay II sa banwa sang Hinigaran.
Sa report sang PNP, samtang ginapatigayon ang transaksyon sa tunga sang poseur-buyer kag sang subject nga si alyas “Elvic”, gulpi lang siya nga nagbayolente kag hana nga nag-gabot sang iya pusil, rason nga gintiro siya sang pulis kag na-igo sa nawala nga hita.
Magluwas sa 12 ka pakete sang suspected shabu, lakip na ang buy-bust item, narekober man ang isa ka .45 caliber pistol kag anum ka mga bala.
Ang iloy sang suspek ang nagsiling nga wala sang kapasidad ang iya bata nga magbakal sang pusil apang iya ginkumpirmar nga naga-usar ini sang iligal nga droga.*
[sibwp_form id=1]