Miyerkules sang aga sang gintiro si “Alyas Boy” samtang nagapadulong sa Sitio Cambalugbog, Brgy. Telim sa banwa sang Calatrava.
Isa siya ka mangunguma kag anay drug personality nga nag-surrender kag residente man sang amo nga barangay.
Suno kay P/Maj Wilfredo Benoman Jr., hepe sang Calatrava PNP, gintawag sang suspek ang biktima kun may ginabaligya pa siya nga prutas kag gilayon niya ini nga gintiro sang apat ka beses.
Igo ang bala sa dughan ang ginkamatay sang biktima.
Ginalantaw sang PNP nga posible ang pagtimalos ukon may kaangtanan sa iligal nga droga ang pagpatay sa biktima.
Padayon pa ang imbestigasyon para makilala ang suspek.