Antes pa man nag pandemic, 13 pa lang sa 61 ka mga barangay sa Bacolod ang nakabig drug cleared ang Philippine Drug Enforcement Agency.
Gani isa ka validation program ang ginpatigayon sang Bacolod City Police para mas mapabaskog ang mahuyang nga barangay anti illegal drug clearing program.
Suno kay BCPO Director Police Colonel Joseph Thomas Martir, ginakinahanglan man mapabaskog ang drug rehabilitation program karon nga may pila na ka mga barangay ang natalana ma-validate ang ila anti illegal drug clearing application.
Magluwas sa anti drug operation ginpasalig man sang BCPO ang mabaskog nga monitoring sa mga entry points, mga seaport kag airport kun diin sarang mag agi ang supply sang iligal nga droga.