Ginkumpirma ni Police Lieutenant Colonel Robert Petate, hepe sang Silay PNP, nga ang leader sang Divinagracia Drug Group sa Silay City nga si Michael Divinagracia ang nasapwan nga patay sang Miyerkules sa probinsya sang Rizal.
Suno kay Petate siya ang nag coordinate sa kapulisan sa Rizal kag na kumpirma paagi sa nakita nga mga ID sa bangkay nga siya amo ang wanted nga drug leader sa probinsya.
Nasapwan nga patay si Divinagracia upod sang isa pa ka persona sa kilid sang highway sa Antipolo City sa Rizal kag sila ang may mga igu sang bala.
Padayon pa ang imbestigasyo sang kapulisan sa kun sin-o ang may kahimuan sini.
Sang nagligad nga tuig, ang siudad sang Silay kag ang Negros Occidental PNP ang nag tanyag sang P500,000 nga reward money sa kun sin-o ang maka hatag sang impormasyon
agud maaresto si Divinagracia nga leader sang isa sa anum ka drug groups sa Negros Occidental.