Tatlo ka mga persona ang gindakup sa buy-bust operation nga ginpatigayon sa isa ka ginakabig drug den sa Purok Ubos, Barangay Poblacion 1, Tinago sa Dumaguete City, Negros Oriental.
Nalakip sa mga nadakpan amo ang isa ka electrical engineer, isa ka parking attendant kag isa ka laborer. Tanan sila ang residente sang Dumaguete.
Ginsulod sang katapo sang Philippine Drug Enforcement Agency ang nasambit nga drug den kag nakarekober ang 9 ka pakete sang ginasuspetsuhan shabu sa tatlo ka mga persona nga yara sa sulod sang hulot.
May pila man ka mga aluminum foil nga may bilin pa nga ginasuspetsuhan shabu, kag iban pa nga mga ebidensya ang nakuha sa lugar.
Magapangatubang ang mga gindakup sang kaso nga paglapas sang Republic Act 9165 ukon Comprehensive Dangerous Drugs Act of 2002