Paagi sa City Engineers Office maga sugod ang inspeksyon sa mga critical facilities nalakip diri mga government offices, mga ospital pati na mga health centers nga mahimu gamiton bilang evacuation centers sa Bacolod.
Suno kay Dr. Maria Luisa Laarni Pornan,pamuno sang City Disaster Risk Reduction Management Office, nakasaad sa memorandum sang Office of the Civil Defense ang pag usisa sang kapag-on sang mga government facilities kabahin sang pagpanghanda kasunod sang linog sa Northern Luzon.
Ang Department of Education ang ginmanduan man nga mag inspeksyon sang kapag-on sang mga school facilities ilabi na nga nagahilapit ang pagbukas sang klase sa Agosto 22.
Sa bwas natalana man nga magapatigayon sang seminar kag simulation earthquake drill ang katapo sang DRRMO upod sa mga volunteers kag rescue units sa Barangay Pta.Taytay sa tuyo nga mapabaskog ang mga pagpanghanda sa posible pagluntad sang linog.