Disaster Risk Reduction Management Office – Bacolod maga-deploy sang emergency responders sa mga beach resort kag simbahan sa Semana Santa.
Upod sa mga police personnel kag mga volunteer, maga-deploy man sang emergency responders sa mga simbahan ang katapo sang DRRMO – Bacolod.
Ginsiling ni DRRMO Head Dr. Anna Maria Laarni Pornan nga ginapaabot ang pagdagsa sang mga tumuluo sa mga simbahan katoliko sa Huwebes kag Biyernes Santo.
Pero sa adlaw sang Sabado kag Domingo sa mga beach resort naman ang prayoridad sang DRRMO.
Tinutuyo sang mga emergency responders nga mapaiway ang insidente sang pagkalumos.
Nagapangabay si Pornan sa mga ginikanan nga bisan pa may mga lifeguard sa mga resorts, importante gihapon nga mabantayan ang mga magagmay nga kabataan.
Kabahin sa deployment plan sang DRRMO ang pagtalana sang mga personnel sa mga seaport.