Naka preposition na ang resources kag iban pa gid nga logistics sang Disaster Risk Reduction Management Office upod sa national government agencies enkaso nga matabo ang posible nga paglupok liwat sang bulkan Kanlaon.
Ini suno kay Irene Bel Plotena pamuno sang Provincial DRRMO nga nagpaathag nga nalakip sa ila nga pre-positioning ang mga assets nila lakip na mga relief goods kag personnel, bilang kabahin sang pag panghanda enkaso nga maglupok ang bulkan Kanlaon.
Sang Biyernes nag patawag ang Office of the Civil Defense sang Pre-Disaster Risk Asssesment agudto mapasiguro nga plastado ang tanan labi na nga ginabantayan sang maid-id karon ang Kanlaon activity.
Tuga man sang saka sa sulfur dioxide flux sang bulkan may pagkusog sa gina panimahuan nga sulfur rason nga naga abiso ang otoridad sa mga pumuluyo nga mag gamit sang face mask sa mga apektado nga lugar nga nagalakip sang Brgy Araal sa La Carlota, Masulog kag Biak-na-Bato sa La Castellana kag iban pa gid nga Barangay sa Canlaon City.
Sa July 9 nga report sang Phivolcs, 3,765 ka tonelada sang sulfur dioxide flux ang na record.
“We are pre-positioning ang mga kinahanglan man and coordinated man ang aton LGUs, ang aton OCD. Everyday may ara man kita sang updates from them. Tanan nga kinahanglan, resources, personnel, assets naton nga kinahanglan. Aside from food aton water, face mask ang mga kinahanglan nila nga tubig, etc”, suno kay Plotena.