DRRMO water tankers ginapa reactivate para mag rasyon sang tubig sa mga barangay nga maapektuhan sang tig-ilinit.
Wala pa nakasugod ang tig-ilinit naga-problema na ang pila ka mga residente sang Barangay Sum-ag sa kakulang sang water supply.
Kasubong man sini ang sitwasyon sa pila pa ka mga barangay sa southern area sang Bacolod.
Ginsiling ni Mayor Albee Benitez nga may yara na sang natukod nga mga water treatment facility ang Bacolod Bulk Water Incorporated nga sarang makahatag sang dugang nga water supply ilabi na sa mga areas nga masami ginakulang sang tubig.
Pero mahimo antes pa matapos ang bulan ini matigayon nga maka-deliver sang water supply sa mga kunsomedor.
Gani nagmando na ang alkalde sa DRRMO nga i-reactivate ang tanan nga mga water tanker agud insigida nga ma-rasyonan sang tubig ang mga barangay nga apektado sang pagnubo sang water supply karon nga tig-ilinit.
May duha ka mga tanker trucks ang DRMMO nga amo ang sarang magamit sa pag-deliver sang tubig sa mga apektado nga barangay.