Patay ang driver sang truck nga si Charlie Salmorin matapos makuryente sa linya sang kuryente sa Brgy. Vista Alegre syudad sang Bacolod Domingo sang aga.
Suno sa kay Police Captain Andy Ofalia ang hepe sang Bacolod City Police Station 7, nasangit ang truck nga ginamaneho ni Salmorin sa mga kable sang telepono kag internet gani nagsaka siya sa iya nga truck kay ibugkuson niya kuntani ang mga kable nga nagkala-utod.
Pero iya nga nasalapay ang linya sang CENECO nga nangin rason sa iya nga pagkakuryente.
Gintinghuaan pa sang mga rescuers nga mabuligan ang biktima pero patay na ini sang ila maabtan.
Ginahulat pa sa karon sang PNP ang desisyon sang mga himata ni Salmorin kun ila nga ipaidalum sa autopsy ang iya nga bangkay.