Patay ang driver sang truck nga si Roel Memis matapos mabunggo ang iya nga truck sa bato sa higad sang dalan sa Sitio Old Fabrica, Brgy. Cabagnaan banwa sang La Castellana, Martes sang hapon.
Taga Canlaon City Negros Oriental ang driver.
Suno sa kay Punong Barangay Arbie Sacapaño, gikan sa Canlaon ang truck kag madeliver kun tani sang bugas sa Bacolod.
250 ka sako sang bugas ang karga sang truck kag nakita sang mga residente sa lugar nga nadulaan sang kontrol ang driver sa truck sa dulhugon nga dalan.
Naka lumpat pa ang helper sang truck sang madulaan ini sang preno.
Nagtuyo man kuntani maglumpat sang driver sa truck apang ini ang nasangit sa pwertahan kag nasudsud sang truck.
Nagrekta sa kalog sa higad sang dalan ang truck kag nakabungo sa bato sa higad sang dalan.
Gilayon nga ginhingagaw ang driver sa isa ka ospital sa Bacolod pero napatay.