Gin-release na sang Sabado ang driver sang truck nga naka bunggo kag nakapatay sa mag nobyahanay sang Biyernes sa Bangga Cory sa Barangay Taculing sa Bacolod.
Ini matapos ang initial settlement sa tunga sang pamilya sang biktima kag sa suspek kag sa kompanya sini, suno sa hepe sang Police Station 6 nga si Captain Dax Santillan.
Nabungguan sang tanker truck sang Biyernes sang hapon ang motorsiklo nga ginasakyan sang duha ka biktima.
Yara sa blind spot sang fuel tanker driver ang motor suno kay Santillan.
Nagsuhot sa dalum sang truck kag nalapakan ang angkas nga si Angelu Madaraog samtang naglabog naman upod sang iya ginadala nga motor si Jim Carl Macaya.
Posible indi naman pagpasakaan sang kaso ang driver suno sa pulis matapos ang initial settlement.