Matapos sang masobra isa ka semana, nag sungka na sa otoridad ang driver sang pula nga SUV nga nag hit and run sa engineering graduate nga si Prince Joaquin Relatos.
Si Relatos ang papuli na kun tani sang gab-i sang Disyembre 22 sang mabungguan sang SUV sa Circumferential Road ang iya gina sakyan nga tricycle kag nag rekta sa pihak nga lane kag nabugguan man sang nagadalagan nga truck. Ini ang nag resulta sa kamatayon ni Relatos nga wala na makasulog pa sang paskwa upod sa iya pamilya. Nakaluwas naman ang driver sang tricycle.
Mabaskog nga ginpanawagan sang pamilya, abyan kag mga himata ni Relatos ang hustisya kag ang pag surrender sang SUV driver nga gilayon nagpalagyo matapos ang pag bunggo. Sila ang nag himo pa sang social media page nga Justice for Prince nga isa man ka hit and run awareness campaign.Kahapon, nag surrender sa PNP ang 41 anyos nga SUV driver nga si Ian Roy Hucalla nga amo ang naka bunggo sa tricycle kag gintunaan sa pagkamatay ni Relatos.
“Wala naman siya gaanong sinabi, sinasabi niya hindi niya daw alam na may bangga siya, nagulat na lang daw siya na may sira ang sasakyan pag uwi niya ng bahay pero syempre kumakalap pa tayo ng ibang ebidensiya para ma filan siya ng kaso,” suno kay Lt. Conrado Espino, commander, Police Station 7.
Pag surrender sang suspek,nakita nga iya naman gin pakay-o ang panguna nga bahin sang salakyan nga naka bunggo sa tricycle. Company driver lang suno sa pulis si Hucalla.
“Siguro kaya niya pinagawa para maitago yung nangyari. Yun yung in the first place ang pumapasok sa investigation natin para maitago at hindi siya ma pinpoint kung siya talaga ang naka bunggo o hindi.”
Mismo ang iya man himata ang suno sa pulis nagpilit kay Hucalla nga mag surrender sa pnp. siya ang wala na ma detain bangud sa nag lapse na ang reglementary period pero suno sa pulis, Ila na lang gina kompleto ang ebidensya para mapasaka na ang kaso batuk kay Hucalla.
Ang mga himata ni Relatos ang nag palab-ot naman sang ila pasalamat sa mga nag bulig sa pag pangamuyo kag pag panawagan nga matagaan hustisya ang kamatayon ni Prince. Ila man gina siguro nga ang driver sang SUV ang mapasakaan sang kaso.