Patay ang driver sang motorsiklo matapos ini mabunggo kahapon sang kaagahon sa puno sang kahoy sa kilid sang highway sa Barangay Efegenio E Lizares sa siyudad sang Talisay.
Ang biktima ginkilala kay Eriegan Giducos, 36 anyos.
Suno sa traffic investigator, madasig ang pag padalagan sang biktima sa iya nga motorsiklo bangud sa mapuli na kun tani ini sa ila balay para mag remit sang iya kinitaan agud ibakal sang bugas sa ila balay.
Suno sa pulis, bangud sang kadasigon nadulaan sang kontrol ang driver amo kun ngaa nakabunggo ini sa puno sang gemilina sa kilid sang dalan.
Bangud sang impact nag labog pa kag natumba sa dalan ang biktima. Patay na sang mag abot ini sa ospital.