Patay ang driver nga si Alejandro Cartagena, matapos nga nahulog sa iya mismo ginamaneho nga truck Domingo sang kaagahon sa Araneta Street, Purok Progreso, Barangay Sum-ag, siudad sang Bacolod. Samtang, pilason naman ang helper nga si Rolly Carampatana, 33 anyos.
Suno sa hepe sang Police Station 9 nga si Police Captain Michael Tubura, padulong sa sur nga bahin sang Bacolod ang truck sang nag likaw ang driver sang truck sa naga sugata nga motorsiklo apang nawad-an naman siya sang control sa manubela kag natumba ang truck matapos nga nakalab-ot sa indi sementado nga bahin sang dalan.
Suno pa kay Tuburan nga bangud nga wala sang pwertahan ang truck, nahulog ang driver nga gintun-anan naman sang iya kamatayon.
Gina-usisa sa karon sang Police Station 9 ang nabaton nila nga impormasyon nga nalapakan sang nagasunod nga pick-up ang biktima.