Patay ang driver sang motorsiklo nga si Arlo Galleron matapos ini malakip sa pag karambola sang mga salakyan lakip na motorsiklo kahapon sa Barangay Cabahug siyudad sang Cadiz.
Sa imbestigasyon sang Cadiz PNP, naga sundanay ang duha ka truck sa dalan sang hinali mag liko sa tuo ang cargo truck.
Na alang-alang suno sa PNP ang driver sang naga sunod nga dump truck bangud gamay na lang ang clearance gani nabungguan sini ang likod sang cargo truck.
Nag balabag ang dump truck sa pihak nga lane kag didto na igo sini ang duha ka naga sugata nga motor lakip na diri ang gina dala sang napatay nga si Galleron.
Pilason man ang isa ka driver sang motor.
Ang nabungguan nga cargo truck ang nag rekta naman bunggo sa naga park nga tricycle kag nag bunggo sa puno sang kahoy.
Nag agum man sang pilas ang driver sini. Detained karon sa Cadiz PNP ang driver sang dump truck.