Pareho nga patay ang driver kag pahinante sang truck matapos makuryente kaina sang udto sa Barangay Cabahug sa Cadiz City.
Sa video nga kuha ni Jay-Ar Loyzaga, pareho nga naga higda na sa dalan ang duha ka mga biktima sa kilid lang man sang ila nga truck kag wala na sang mga animo.
Ang driver ginkilala kay Eddie Dejito, 49 anyos kag si Ronnie Antojado amo ang iya upod nga napatay.
Sandig sa initial investigation sang Cadiz PNP, naga dalagan ang truck sang mga biktima nga kargado sang tubo gikan sa Sagay padulong kun tani sa Cadiz, pero hinali nila nabungguan ang poste sang kuryente nga naga hilay sa kilid sang dalan.
Ila kun tani ini usisaon ugaling pareho sila nga nagkala kuryente. Patay na ang duha sang mag abot sila sa ospital.