Nagbaliskad ang isa ka Mitsubishi Mirage G4 nga awto kag nakabunggo sa naka-park nga salakyan sa dalan Circumferential, malapit sa isa ka call center firm sa Barangay Villamonte, Bacolod City, kaina, Martes sang kaagahon.
Suno sa driver, mechanical malfunction ang natabo bangud gulpi lang nagliko ang salakyan kag nagpitik.
Apang naggwa sa traffic investigation nga padulong norte sang dalan ang Mitsubishi Mirage sang gin-alegar natulogan ang 27-anyos nga driver.
Nagbaliskad ang awto kag naiguan ang Suzuki Ertiga nga naka-park sa higad sang dalan.
Bangud sang insidente, naguba ang left side rear portion sang Ertiga, kag guba man ang pila ka bahin sang Mirage, samtang nakaangkon sang minor injury ang driver sini.
Gikan sa Barangay Sum-ag kag papauli na kuntani sa Barangay Bata ang driver sang nagluntad ang insidente.
[sibwp_form id=1]