Sa Enero 20, mahimo nga suguran na sang Bacolod LGU ang pag-require sa mga empleyado sang siudad nga magsuksok sang Asean-inspired kag Filipiniana attire kada Lunes.
Ginpayahag ni City Administrator Lucille Gelvolea nga gina abi-abe sang mga empleyado ang pagsulundan sang Civil Service Commission sa tuyo nga mapabaskog ang national identity kag culture sa pungsod.
Nakasaad sa Memorandum Circular No. 16 sang CSC nga kada first Monday of the Month maga-suksok sang Asean-inspired attire ang mga government employees kag Filipiniana costume naman sa second, third kag fourth Mondays of the Month.
Gindugang ni Gelvolea nga indi kinahanglan nga magarbo ang costume basta masunod lang ang tinutuyo sang CSC.
Indi required ang mga job order workers sang siudad pero gina-encourage sila nga mag suksok man sang panapton nga naga-pakita sang ila pag palangga sa pungsod.