Patay ang 25 anyos nga driver sang motorsiklo nga si Lemwel Agolino matapos ini magbunggo sa tricycle kahapon sang kaagahon sa dalan Lacson sa Barangay Mandalagan sa Bacolod.
Suno kay Captain Armilyn Vargas, hepe sang Police Station 3, pareho nga nagadalagan padulong sa norte nga bahin sang dalan ang tricycle kag motor sang hinali na lang mag bunggo ang motor sa likod sang tricycle.
Madasig ang pag padalgan sang motor suno kay Vargas kag naka-inom pa si Agolino suno sa iya.
Gindala pa sa ospital ang biktima apang wala na ini matabangan.