Patay ang driver ni Negros Oriental Congressman Arnie Teves matapos gin tiro sang Lunes sa Barangay Obat sa Sta. Catalina.
Ang biktima amo si Juvanie Catubay, 38 anyos. Suno sa hepe sang Sta Catalina PNP nga si Maj. Enrique Asonio, papuli na kun tani ang biktima sang ini ang mag untat sa isa ka baligyaan.
Didto na sang nag pondo ang motorsiklo sakay sang duha ka armado nga naka helmet kag gin tiro siya sang makapila ka beses.
10 ka bala sang 5.56 rifle, 1 ka empty shell sang caliber 45 pistol kag isa ka deformed slug ang nakuha sa crime scene.
Gilayon man nag palagyo ang mga suspetsado. Si Congressman Teves ang nagpanawagan naman nga kun tani tutukan sang kapulisan kag matagaan sang madasig nga kalubaran ang kaso.
Iya man gin hangkat ang PNP kag army nga matagaan sang kasanagan ang natabo bangud armalite ang dala sang armado nga indi man kun tani posible madala sang sibilyan.
Ang Negros Oriental Provincial Police Office ang nag pasiguro naman nga sila ang maga hatag sang patas nga imbestigasyon agud matagaan sang hustisya ang kamatayon ni Catubay.
Nag dugang naman sang personnel ang NORPPO sa banwa para mag pabilin sang kalinong.