Ini ang nag viral nga video nga gin post sang babaye nga yara sa video nga si Joan Ducay sang kainit niya sa traffic enforcer nga si Chris Aragon matapos na akigan ang iya nga partner nga amo ang drayber sang jeep nga si Regie Desuyo.
Suno sa pamuno sang Bacolod Traffic Authority Office nga si Major Junji Liba, nag ugat ang tanan sang na alang alang mag left turn pa BS Aquino Drive si Regie, nagsaylo siya sa pihak nga lane gani ang mga sa likod niya nga ma derecho wala ka rekta. Makapila siya gin saway sang traffic enforcer.
Tubtob ngas nagpahigad siya kag nag sabtanay sila sang enforcer. Ginkulbaan si Joan amo kun ngaa gin video niya ang sabtanay nila. Kaina ginpatawag ang magtimbang nga kampo sa BTAO kag gin husay. Kada isa nagpangayo sang kapatawaran sa kada isa kag nag ako nga naka sala man.
Si Aragon ang isa ka regular na nga traffic enforcer sang siudad. Sang Sabado lang sila nag training gani liwat nga naga pangabay si Liba sa tanan nga traffic enforcers nga magkalma sa tanan nga ti-un samtang naga duty sa dalan.
Wala na sang may intresado pa nga magpasaka sang reklamo sa duha ka mga kampo.
Ginsaylo na si Aragon para indi na sila magsugat-anay pa sa dalan ni Desuyo.