Shadow

DPWH naga apela sa mga truck drivers nga likawan ang overloading kay naga resulta sa aksidente

Nagapadayon ang adlaw adlaw nga pag inspect sang DPWH sa mga truck nga naga nilabay sa dalan para mahibaluan kun overloading sila ukon indi.

Ginporma ang Anti Truck Overloading Mobile Enforcement sang 2019 para magpatigayon sang random inspection sa kabug-aton sang mga gina karga sa mga truck nga yara sa dalanon.

Una, para mapangapinan ang dalanon kag ika duha para malikawan ang aksidente. Suno sa team nga naga inspection, sa tuman ka bug-at kun kis-a sang truck nagaka dulaan na sang control ang drayber sa manubela.

Masami kuno sa ginahimo nila nga on the spot nga pagtakos sang kabug-aton sang truck gina palagyuhan sila kag tuman ka delikado para sa ila kay basi sila ang mabungguan.

Kun tani mahangpan sang mga truck drivers nga ini ang gina himo para man sa ila nga safety.

Kada adlaw lain lain nga mga areas ang ginakadtuan sang grupo.

Leave a Reply

Your email address will not be published. Required fields are marked *

Secured By miniOrangeSecured By miniOrange