May apat tanan ka mga major road kag drainage repair projects nga ginpatuman ang Department of Public Works and Highways sa Bacolod.
Tungod dululungan, nagreklamu na ang pamunuan sang Bacolod Traffic Authority Office bangud may kakulang sang koordinasyon sang DPWH resulta sang pag gutok sang trapiko sa mga project sites sang DPWH.
Suno kay District Engineer Jaime Javellana, nakapa alinton sila sa btao kag sa siudad antes pa man ginsuguran ang mga road project sa dalan Burgos, Narra, BS Aquino Drive, Araneta, San Juan kag intersection sa idalom sang flyover sa Barangay Bata.
Gin-ako ni Javellana nga ila aksyunan ang ila kakulangan sa pagpatuman sang 4 ka mga major road projects nga nagabalor sa masobra dos shientos milyones pesos.
Handa man ang district engineer nga atubangon ang kaso nga grave abuse of authority nga natalana ipasaka sa iya ni Councilor Dindo Ramos nga tagpamuno sang committee on transportation sang konseho.
Nabaton naman sang pamunuan sang DPWH ang reklamu halin sa konseho kag nagalaum sila sang paghangup,ilabi na sa publiko kag mga motorista tubtob nga matapos ang ila mga proyekto sa Disyembre.