Personal nga nag padulong sa Central Office sang Department of Public Works and Highways ang Assistant District Engineer sang Negros Occidental 5th Engineering District agudto maka kuha sang update bahin sa gina siling 306 million pesos nga flood control projects sa San Carlos City kag sa mga contractor sini.
Kaina nagpadulong man kag nagsapol sa alkalde sang San Carlos ang tiglawas sang DPWH-NIR kag sang 5th Engineering District kag gin talakay ang isyu sa ghost projects.
Sa interview sang Digicast Negros kay Engr Juan Alfonso Jorbina ang 5th Engineering District head, on official travel sa karon ang iya nga Assistant Disrict Engineer nga si Pedrito Bautista.
Ang iya instruction sa iya amo nga magkuha sang update sa flood control projects sa San Carlos City nga nagalakip sang:
77.5 million pesos nga flood control sa Andoon river sa Poblacion nga iya nga EKC Construction and Aggregates gikan La Trinidad, Benguet.
77.3 million pesos nga flood control sang Jigalaman River sa Guadalupe nga iya sang Jaben General Contracting Eng’g Services sang Baguio, Benguet
Kag 151.5 million pesos nga flood control sa Palampas River sa Brgy 1 nga iya sa A.P.O. General Construction sa Mountain Province.
Paathag ni Jorbina nagsulat si Ma. Victoria Gregorio, Director IV sang Procurement Service, DPWH, Central Office kay Mayor Renato Gustilo para mag hinyo sang confirmation bahin sa authenticity sang mga document nga na issue angut tatlo ka mga flood control projects.
Suno kay Jorbina nag pa upgrade sang ila nga PCAB ukon Philippine Contractors Accreditation Board License ang tatlo.
Sa amo nga proseso pila sa gina pa submit sa mga contractors ang nahuman kag ongoing nga mga projects nila.
Kag nalakip sa listahan nga na submit amo ang listahan sang gina siling projects nila sa San Carlos.
Damlag pa sang gin patawag ni Gustilo ang DPWH, ginsiling na ni Jorbina nga wala man sa ila nga listahan ang natungdan nga mga contractor.
Nag hinyo na si Gustilo sang pag pangusisa sang National Bureau of Investigation sa gina siling ghost projects, kay wala labot nga indi accredited sa LGU ang mga contractors gin-alegar man ni gustilo nga ginpeke ang iya nga pirma.
“Ang order ko sa iya is official travel ka anay until nga may result ka nga ma kwa kay kinahanglanon na naton. (para ma settle man ang tanan kag may ka klarohan? ) huo amo na ang gina hulat namon”, suno kay Jorbina.