Nasunog ang apat ka panalgan nga dormitory sa kilid sang Carlos Hilado Memorial State University-Fortune Towne sa Barangay Estefania, Bacolod City, Biyernes sang gab-i.
Apektado sa sunog ang 25 ka mga boarders sang dormitory, kalabanan sa ila ang mga estudyante sang CHMSU.
Ginabulubanta P4 Million ang damage sang sunog.
Samtang, lima ka mga balay ang nasunog sa Purok Boulevard, Brgy. 14 sa Bacolod, Biyernes sang hapon.
Nagbinuligay paagi sa bucket brigade ang mga pumuluyo sang Brgy. 13 kag 14 agud mapalong ang kalayo.
Sa report sang Bureau of Fire Protection, duha ka mga balay ang totally damaged, samtang tatlo ang partially damaged.
Yara naman sa P105,000 ang balor sang nagkalasunog nga pagkabutang kag propedad.
Wala sang reported nga nasamaran sa duha ka separado nga fire incidents kag padayon pa ang imbestigasyon sang BFP sa gintunaan sang sunog.*