Mga dolphins spotted sa baybayon sang San Carlos City.
Sa post sang Turismo San Carlos sa ila nga page makita ang video nga kuha sang katapo sang Bantay Dagat Task Force nga si Larry Descartin nga may mga dolphins nga naga sunod sa ila nga pumpboat samtang naga dalagan sa baybayon sang siudad malapit sa Sipaway Island.
Gani ang lokal nga panguluhan ang natalana nga mag himo sang site assessment para mahibaluan kun bala sarang maka patigayon sang dolphin watching activity sa amo nga area.
May netizens nga comment nga ang pagtuhaw sang dolphins sa baybayon ang isa ka indikasyon nga matinlo ang tubig sa kadagatan sa amo nga lugar.