Shadow

Dolphin ginkagat sang ginapatihan bagis sa Bago, Negros Occidental

Photo courtesy of Dhorlyn Dela Cruz, BFAR NSAP Enumerator/ Rodolfo Lovino, president, Taloc Baybay Fisher’s Association

Isa ka dolphin sa Bago City, Negros Occidental ang gin-rescue sang mga mananagat matapos nga ginkagat sang ginapatihan bagis.

Base sa investigation report sang marine biologist nga si Mark De La Paz sang University of St. La Salle Center for Research and Engagement, ginpahayag sang mga mananagat nga nag rescue sa Irrawaddy dolphin nga ila ini nakit-an sa tunga sang lawud nga gina atake sang isa ka ginapatihan bagis sang nagligad nga Sabado.

Ila ini nga ginbutong pasaka sa ila nga pump boat kag gindala sa hunasan sa Baybay Trese sa Barangay Taloc.

Buhi pa ang dolphin sang mag-abot sa hunasan kag gilayon nga ginpahibalo sang mga mananagat ang Bureau of Fisheries and Aquatic Resources pero ginbawi-an ini sang kabuhi.

Makit-an sa lawas sang dolphin ang dako nga kagat sang ginapatihan bagis nga amo ang gintunaan sang kamatayon sini.

Ginpaidalum sa necropsy ang lawas sang dolphin nga may pahanugot sang BFAR.

Madamo nga mga Irrawaddy dolphins ang nagalabay sa baybayon sang Bago kag banwa sang Pulupandan nga kabahin sang Guimaras Strait.

Leave a Reply

Your email address will not be published. Required fields are marked *

Secured By miniOrangeSecured By miniOrange