Ginpahayag ni Bacolod Congressman Greg Gasataya nga ginpahibalo siya sang Department of Labor and Employment Region 6 nga handa na ang ila ahensya sa pagbaton liwat sang mga application para sa mga luyag maka avail sang financial assistance sa idalum sang COVID-19 Adjustment Measures Program ukon CAMP.
Ini matapos nga naghatag sang privilege speech si Gasataya sa House of Representatives sang nagligad nga Mayo 20 kun sa diin iya ginpahayag nga may kapin 60,000 ka mga empleyado sa Bacolod kag Negros Occidental ang naka apply na sa idalum sang CAMP pero wala makabaton sang ayuda matapos maubusan sang pondo ang DOLE.
Nagpasar man ang mamalidha sang house resolution nga nagapanawagan sa DOLE nga hatagan sang pagtamud ang mga apektado nga establisimiento komersyal nga luyag mag avail sang financial assistance para sila mismo makahatag sini sa ila mga empleyado.
Suno kay Gasataya, kinahanglan liwat nga magpa register online ang mga wala nakabaton sang ayuda antes pa nawad-an sang pondo ang DOLE.
Sa mga luyag magpa register, magkadto lang sa website sang DOLE nga https://reports.dole.gov.ph/.
Tagsa ka benepisyaryo ang makabaton sang P5,000 nga cash assistance.
Ang mga pumuluyo nga benepisyaryo man sa iban nga mga cash aid programs sang gobyerno kasubong sang 4Ps ang indi na qualified sa CAMP.
Ang dugang nga mga detalye angut sa CAMP ang makit-an sa DOLE Department Order No. 218-20