Karon nga nagsugod na ang tig-ululan Department of Health ang naga pahanumdom sa publiko nga mag-andam kag maghalong kontra sa dengue nga gina paabot posible magasaka.
Indi man seasonal ang dengue pero indi ma negar suno sa DOH nga kun tig-ululan mahimo magasaka ang kaso bangud naga damo man ang breeding places sini.
Sa Western Visayas, humalin January 1 to June 8 nga datus, 3,482 ang na-record nga dengue cases. 22 percent nga mas mataas kun ipaanggid sa kasubong nga tion sang 2023. ang probinsya sang Iloilo ang may pinaka mataas nga kaso – 1,128. nagasunod ang Aklan nga may 553 ka kaso kag Negros Occidental nga may 519 ka kaso.
Suno sa Center for Health Development 6, kadam-an sa mga apektado sang dengue yara sa 1 to 10 years old nga age group ukon 40 percent sa mga na record nga kaso ang yara sa amo nga pang edaron.
Naga sunod naman ukon 28 percent sa mga kaso ang yara sa 11 to 20 years old nga age group. Siyam ang napatay sa dengue sa rehiyon subong nga tuig. Apat ang gikan sa Iloilo province kag tatlo ang gikan sa Negros Occidental.
Suno kay Dr Girlie Pinongan ang Provincial Health Officer, wala untat ang panawagan nila para sa matinlo nga palibot para malikawan ang dengue.