Shadow

DOH: Mga nabakunahan pwede sa gihapon maka donate sang dugo

Department of Health nagpa athag nga ang mga nabakunahan para Covid-19 ang pwede sa gihapon maka donate sang dugo.

Sa advisory nga ginpagwa sang DOH, ila ginpaathag nga fake news ang naga lapta sa karon nga impormasyon nga indi na pwede maka donate sang dugo kutob sa mga nabakunahan kontra Covid-19.

Suno sa DOH, bisan sino nga nabakunahan na ang pwede sa gihapon maka donate sang dugo ano man nga oras basta asymptomatic kag 14 na ka adlaw nga naka recover sa Covid-19 kag maka pasar sa mga criteria. Dapat desi sais tubtob sisentay singko anyos kag indi magnubo sa 50 kilos ang kabug-aton.

Dapat wala man sang minor ukon major surgery, wala bag-o nga tattoo ukon body piercing, wala naka pa anti rabies ukon anti tetanus sa nagligad nga isa ka tuig. Dapat wala man naga pakigbahin sa high risk behavior parehos sang male to male sex ukon multiple sex partners. Dapat indi man pwede ang may diabetes ukon hypertension.

Paandam sang doh sa publiko, likawan ang pagpalapta sang indi amo ukon wala ma verify nga impormasyon.

Secured By miniOrange