Ang Department of Health Western Visayas Center for Health Development ang naga paandam sa publiko sa nagasaka nga temperatura sa karon.
Ini kasunod sang forecast sang DOST PAGASA sa pagsaka sang temperatura sa sini nga mga inadlaw.
Ang tanan gina haylo nga mag inom sang madamo nga tubig, mag gamit sang loose clothing kag mag gamit man sang kalo ukon payong bilang proteksyon. Dapat likawan ang strenous activities humalin las 10 sang aga tubtob las 4 sang hapon. Ang kasubong nga sahi sang panahon ang naga tuga man sang nagkalain-lain nga skin, food and water-borne diseases kag naga padasig sang paglaton sang mga masakit.
Ang malawig nga exposure sa tuman ka init nga panahon kag ang pag patigayon sang tuman nga mga activities ang mahimo makatuga sang tuman nga pagbalhas, kakapoy, lingin kag sakit sa ulo kag pag hilanat, rapid heartbeat kag pag kadula sang animo.
Ang mga kasubong nga sintoma ang indi dapat pag pabayaan suno sa DOH. Ang persona nga maga eksperiensya sini dapat pasilungan kag iga elevate ang mga tiil, kag kun pwede paimnon sang tubig, butangan man ini sang cold packs. Mas maayo nga ma refer sa pinaka lapit nga health center.