Sa 16 ka local cases sang Omicron subvariant, duha diri ang naghalin sa Western Visayas.
May isa man ka returning OFW ang dugang nga nalatnan sang Omicron subvariant ba 2.12.1 sandig sa record sang Department of Health.
Sa 16 ka mga local cases, dose ang gikan sa Puerto Princesa, duha ang halin sa National Capital Region.
Ginsiling ni DOH Undersecretary Rosario Vergeire nga ini nagapakita nga kadam an sa mga na detect nga kaso ang wala naghalin sa iban nga pungsod.
Ginklaro man sang DOH nga wala sang community transmission sang amo nga subvariant sa pungsod.
Pero tungod sini ginapangabay sang DOH ang tagsa ka mga local government unit nga magpatuman sang active surveillance agud mapunggan ang paglapta sang Omicron subvariant.
Bangud madiutay naman ang mga Covid-19 cases, ginapanugyan ni Vergiere ang pag gamit sang RT PCR test sa baylo nga rapid antigen test bangud ang RT PCR test result lamang ang sarang magamit sa genome sequencing.