Ang Department of Health ang dapat man nga mag buhat sang tikang angut sa artificial sweeteners.
Ini suno kay House Committee on Agriculture Chairperson, Rep Wilfrido Mark Enverga nga nag patpat nga ang mga artificial sweeteners may yara sang malain nga epekto sa ikaayong lawas base sa pagtuon.
Ang influx ukon ang pag sinulod sang artificial sweeteners sa pungsod isa sa gina lantaw nga kabangdanan sang kapierdehan sang sugar industry sa karon.
Ang sucralose nga isa ka artificial sweetener, damlag pa ginsiling sang Sugar Regulatory Administration ang tuman nga nag apekto sang domestic sugar consumption sang mga large-scale manufacturers.
Ginabulubanta yara sa 750,000 metric tons sang domestic sugar ang equivalent sang kadamuon sang artificial sweeteners nga naga sulod sang pungsod ukon naga balor sang P37.5 billion sa kada crop year.
Suno kay Senate Committee on Agriculture Chair Sen Francis Pangilinan dapat nga matutukan man ini nga bagay bahin sa mga regulation nga gina patuman sang SRA. Wala sang regulation powers ang SRA angut diri.*